Safar-e-Shaam likha aur qalam torr diya
Gham-e-Sarkar likha aur qalam torr diya
Ek unwaan liya piyas ka likhnay kay liye
Likh liya naam-e-Sakina aur qalam torr diya
Ek unwaan mila mujh ko jawani per likhoon
Naam Akbar ka likha aur qalam torr diya
Socha unwaan-e-wafa per bhi zara ghor karoon
Lafz Abbas likha aur qalam torr diya
Kiya karoon soch mein unwaan baray aatay hain
Hath seenay per rakha aur qalam torr diya
Likhta chadar per magar mujh ko jurrat na hui
Jee bhar kay aansu bahaye aur qalam torr diya